Gïeleaernien bïjre

Gïeleaernien bïjre

Gïeleaernie
- Raarvihken tjïelten gïele- jïh kultuvrejarnge

Raarvihken tjïelteståvroe nænnoestimmesne 24.5.2012 latjkin sijhtieh dåarjegh syökedh gïelejarngem- Gïeleaerniem rïhpestidh.
Saemien gïele- jïh kultuvrejarnge Ravrvihkesne sæjhta saemien gïele- jïh kultuvrine båetije jaapan barkedh (lahtese Raarvihken tjïelteståvroen nænnoestimmie 24.5.2012)
 
Dej minngemes 50 jaepieh dïhte gïele jorkesovveme, jïh vaenebh tjåanghkoesijjieh gusnie maehtebe saemiestidh. Voengen almetjh Raarvihkesne sijhtieh viehkiehtidh gïelem jealajidh jïh Raarvihken tjïelte sæjhta viehkiehtidh gïelem jïh kultuvrem vaarjelidh, jïh aaj rastah dåaresth joekehth prosjeekti jïh darjomigujmie. Gïeleaernie rïhpesovvi ruffien asken 2013.
Gïeleaernie edtja barkedh guktie saemieh tjïeltesne nöödtieh gïele- jïh kultuvrem vaarjelidh jïh evtiedidh. 
Gïeleaernie edtja tjåanghkoesijjieh öörnedh gusnie dïhte gïele jïh kultuvre vååjnoes joekehth seminaari, prosjeekti jïh darjomi tjirrh.
Gïeleaernie edtja saemiejgujmie soptsestidh, maam dah sijhtieh darjodh. Maehtede daesnie tjaangedh prïhtjegem jovkedh, soptsestidh, rååresjidh jïh prosjeekth/ darjomh vaajtelidh.
Gïeleaernie dåarjegh Saemiedigkeste åådtje, jïh Gïeleaernie tjuara darjomesoejkesjem golme jaepieh åvtese stealladidh.
Dennie darjomesoejkesjisnie dle ussjedibie magkerh darjomh edtjebe utnedh golme jaepieh åvtese. Dan gaavhtan sijhtebe dijjieh edtjede Gïeleaernien baaktoe båetedh dijjen åssjaldahkide mijjine juekedh, magkerh kuvsjh, seminaarh jallh prosjeekth sïjhtede utnedh. 
Tjaangede, guktie mijjieh ektesne maehtebe rååresjidh. 
 
Buerie bueteme mijjen gåajkoe. 
 
Barkijh Gïeleaernesne:
Berit Ellen Gaino Jåma (50%), konsuleente. Tel: 468 06 489
Maili Jåma (60%) daelie permisjovnesne,
lissine dïhte lohkehtæjja (40%) skuvlesne.
Til toppen